اتدرون بين يدي من تقوم وتصلى
جملة المفروض تبقى شعار لكل فرد يصلي
عندنا
لو عيشنا بالمعنى ده بجد هتغير حياتك، وهتغير صلاتك كلها
يبقى لازم نسمع عن ربنا كتير لحد ما نعرف مين هو ربنا..
عشان وقت ما نقف بين يديه نبقى طايرين
لازم نسمع بقلبنا
لازم نعيش مع المعاني
لازم نسمع عن أسماء الله وصفاته
لازم كل ده تستحضره قبل الصلاة فتعيش بمعاني الصلاة
لما بتيجي تقول الله أكبر ..
أنت بتقول إن ربنا أكبر من أي شيء وكل شيء
يبقى أنت بتتكبر على إيه
أو أنت خايف من إيه
بتيجي بعد كده تركع بعد القرآن؛ عشان تبين الخضوع لله عز وجل وعظمته وتقول سمعنا وأطعنا
وتطلع تاني تقول سمع الله لمن حمده فتقعد تثني على ربنا
ما تطلبش وأنت واقف ورأسك فوق
لأ اطلب وأنت رأسك في الأرض، وأنت خاضع
تبقى فوق بتثني وتحت بتطلب
الدعاء وكلمة يارب
كلمة يارب بتغير حاجات كتير وبتحولها تحول كبير
كلمة يارب
اللي أنقذت يونس من بطن الحوت
كلمة يارب
اللي أخرجت إبراهيم من النار
كلمة يارب
بتعمل المعجزات
كلمة يارب
فعلًا بتحقق معنى العبودية
أنت محتاج ربنا لأنك ضعيف؛ اتخلقت من طين
اللي هو أقل حاجة
ليه الرسول صلى الله عليه وسلم أمر بآية الكرسي بعد كل صلاة
عشان تعرف أنت واقف بين إيدين مين
عشان تستحضر عظمة الله القائم على كل شي
ربنا بيده كل شيء
وبعد كل ده لازم كل ما أسمع حاجة عن ربنا أطبقها
اسمع عن اذكار الصلاة واذكار ما بعد الصلاة والدعاء داخل الصلاة من كل احاسيسك واستحضر عظمة الله عز وجل وحده في كل ركن من اركان الصلاة
لأني لو ما طبقتش يبقى ما استفادتش حاجة
توصيات:
التلبية الفورية.
السماع عن الله .
تكبيرة الإحرام .
جلسة الضحى .
تعليقات
إرسال تعليق