عبادة التلبينه الفورية 

أحد السلف كان يذكر الله يومًا فجاء شخص يسأله سؤال فقال إني أذكر الله فجاء الثاني يسأله سؤال فقال إني أذكر الله فجاء الثالث فضرب كفًا بكف ويقول (كُلُ الناس زاهدون فيك يارب)

- الكلمة دي عميقة أوي يا جماعة الناس زاهدة في ربنا أوي

كنت قاعد في مسجد مرة يا إخواني ولفت نظري ورقة مكتوب عليها الأوقات ما بين الأذان والإقامة ولو حسبناهم لليوم كله هيبقى ييجي ساعتين مثلًا في اليوم ولو استثمارنا الوقت ده بين الأذان والإقامة هتحيي ساعتين من عمرك بيضيعوا في إيه !!!!؟

النهارده هنتكلم عن عبادة غفل عنها عامة المسلمين وربنا أحياها في حياتنا ، لا تتخيل تأثيرها في حياتك

العبادة دي اسمها التلبية الفورية عبادة تأثيرها فوري عند سماع نداء الله ،

لو صليت صح حياتك هتتغير ، لو صليت صح دعائك هيُستجاب ، لو صليت صح هتُؤمّن في الدنيا والآخرة ، لو صليت صح نفسيتك هتبقى سعيدة

الصلاة الصح هيا الفرق بين إنك تعيش إنسان متوتر أو تعيش إنسان فرحان بربنا

الصلاة الصح هي الفرق عند الموت إنك تموت وأنت شاكك في دينك والعياذ بالله في فتنة الممات

أو إنك تموت وأنت بتقول من قلبك لا إله إلا الله محمد رسول الله

الصلاة الصح هيا الفرق ما بين الفردوس الأعلى والعذاب

الصلاة الصح دي كل حاجة في حياتك هتتغير لو جات في حياتك

إذا قال المؤذن الله أكبر تهرع وتترك من إيديك كل شئ ، الله أكبر من كل شئ

لو ربنا أحيا في حياتنا التلبية الفورية فور سماع النداء هنفوز بإيه؟

١- ربنا هيحيي كل ١٠ سنين في حياتك سنة ، ده لو أنت جمعت الوقت اللي ما بين الأذان والإقامة هتلاقي الوقت ده كل ١٠ سنين سنة يعني في ٤٠ سنة هتحيي ٤ سنين ، لو أنت أخدتهم قراءة قرآن هتختم كام ختمة؟

- لو أنت أخدتهم دعاء ما بين الأذان والإقامة تاخد فيهم كام دعوة مستجابة ، الدعاء بين الأذان والإقامة لا يرد ، لو أنت ذكرت الله فيهم ، يبقى أنت أخدت عبادات يومية في ساعتين أضافوا لميزانك

عايز أقول إن احنا مضيعين نفسنا أوي بسبب التقصير في عبادة التلبية الفورية ، فور سماع الأذان

العبادة دي لو أنت عملتها هتنال حب الله ، ليه؟ لأن يقولُ اللَّهَ تبارك وتعالى: (ما تقرَّبَ إليَّ

عبدي بشيءٍ أفضل من أداء ما افترضتُ عليْهِ) يبقى طريق لحب الله

التلبية الفورية هيبقى بداية علشان تصلّح علاقتك مع ربنا ، أنتم عارفين الملتزمين بيتوهوا ليه؟

خالد بن الوليد بعد ٤ شهور من إسلامه بقى قائد جيش ، أنت بعد ٤ شهور من التزامك هتقدر تعمل إيه ، أنتم عارفين كانوا بينطلقوا ليه لأنهم بيدخلوا صح

- الإنسان اللي بيبدأ صح هو اللي بيوصل بسرعة ، أنتِ عارفة لما أول ما تسمعي الله أكبر تقولي لبيك اللهم لبيك هتبقي عند ربنا إيه ، هيبقى مقامك عند ربنا إيه؟

النبي عليه الصلاة والسلام السيدة عائشة تقول (كان إذا سمع الأذان لا يعرفنا ولا نعرفه) ليه؟! مولاه ناداه

التلبية الفورية دي تربية لأنك أنت يوميًا ٥ مرات كل أذان بيبقى عندك ظروف الأذان أذن وأنت بتتكلم في التليفون ، والأذان أذن وأنت بتذاكر فأول لما بتقطع حياتك وتقطع كل العوارض

لما ربنا بيناديك ، يبقى لما ربنا يناديك في يوم من الأيام للجهاد في سبيل الله هتقول لبيك وتقطع كل حاجة في حياتك

- اللي بيقول لربنا ٥ دقائق يارب ، ٥ دقائق وجايلك يارب عارف أنت بتخسر قد إيه؟

التلبية الفورية سبب إنك تفوزي ب ٥ حاجات كل يوم ، النبى عليه الصلاة والسلام يقول (من صلى الفريضة كل يوم فى المسجد له أجر حج محرم)

عَنْ أَنَسِ بْنِ مَالِكٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ( مَنْ صَلَّى لِلَّهِ أَرْبَعِينَ يَوْمًا فِي جَمَاعَةٍ يُدْرِكُ التَّكْبِيرَةَ الْأُولَى كُتِبَتْ لَهُ بَرَاءَتَانِ بَرَاءَةٌ مِنْ النَّارِ وَبَرَاءَةٌ مِنْ النِّفَاقِ ) رواه الترمذي(241) وصححه الشيخ الألباني رحمه الله ، وللحديث ألفاظ أخرى تنظر في جواب

النفاق في الدرك الأسفل من النار والعياذ بالله ، تكبيرة الإحرام التلبية الفورية ربنا بينجيك بيها من جهنم بسبب التلبية الفورية

قد إيه احنا مضيعين ثواب كبير أوي !!!

ليه الدعاء بين الأذان والإقامة لايُرد ؟

- لأن دول اللي قالوا لبيك يا الله فربنا بيقول لهم لبيك يا عبادي

بركات الدعاء بين الأذان والإقامة هائلة ، يعني ممكن تدعي بالشفاء وربنا يشفيك في نفس اليوم

خد بالك لو أنت عملت كده فى بيتك أو في المسجد هتنال الخشوع في الصلاة ، دخلت على الصلاة بطريقة صحيحة