معنى الأيام البِيض
عُمرك فَكَّرت في معنى الأيام البِيض
مننا اللي بيصوم دون أن يدري مامعناهم وماهي النوايا اللي المفروض ننويها في صيامهم
فضلًا عن إنهم سُنة عن النبي ﷺ
قال ابن باز ( التي ليلُها أبيض بالقمرِ، ونهارُها أبيض بالشمس والنهار )
احنا عارفين أجرِ الصيام لكن ما حدش يقدر يصوم سَنة كَامِلة !!!!
أصوم سنة كاملة ازاي
محدش أخد باله إن النبي ﷺ قَالنا
علي وصفة بها يُكتب لنا عند ربنا صيام سنة كاملة
عن عبد الله بن عمرو بن العاص رضي الله عنهما قال لي رسول الله ﷺ : " وإن بحسبك أن تصوم كل شهر ثلاثة أيام ؛ فإن لك بكل حسنة عشر أمثالها فإن ذلك صيام الدهر كله "
يعني كل شهر صيام ثَلاثهِ أيام
كل يوم بعشرة حسنات
وعشر حسنات * ٣ أيام = ٣٠ يوم
وعرفنا إن النبيﷺ كان بيصوم ثلاث أيام من كل شهر يوم ١٥،١٤،١٣ من الشهر الهجري
النبي ﷺ قال اغتنِمْ خمسًا قبل خمسٍ في الحديث المشهور
اغتنِمْ صِحَتك قبل سِقمك
النهاردة قادر ب ٣ أيام كُل شَهر تاخد أجر ٣٦٥ يوم أي بإذن الله يُكتب لك أجر سنة صيام
بكرة لما مش هتقدر هتفضل تاخد أجرك مُتخيل!!!!!
ازاي
لأن النبي ﷺ قال لو تعبنا ناخد أجر كل عمل كنا بنعمله و احنا في صحتنا
عن أبي موسى الأشعري -رضي الله عنه- قال: قال رسول الله ﷺ [ إذا مَرِض العَبد أو سافر كُتِب له مثلُ ما كان يعمل مقيمًا صحيحًا ]
يا تَري بَعد ما عرفت الأجر العظِيم دَه لِصيام الأيام البِيض
هتصوم معانا و لا هتطنش
ولا هتكسل ولا هتقول الدنيا حر
اوعى تضيع صيامهم لعلها المنجية ولمن كان له العذر ونوى كُتب له الأجر ولكن عليه بالنية ينوي بقلبه ولكن حبسه العذر حتى يُكتب له الأجر بإذن الله
ما تضيعش عمرك وصِحتك بِثمَن بَخس قَليل
تعليقات
إرسال تعليق