مش حلال فيها التحرش
شباب كتير أوي مبدأه حلال فيها التحرش دي كاشفة شعرها مش شايف لبسها !!!
لو أنت عايش في دولة كلها كفار كلها عري هل يحل ليك إنك تبص لأي واحدة؟!
لا حرام حرام ليه لأنه مش معنى إنها متبرجة إنك يحل ليك تتحرش بيها
أنتَ مكلف من اللّٰه إنك تغض بصرك قال اللّٰه تعالى { قُل لِّلْمُؤْمِنِينَ يَغُضُّوا مِنْ أَبْصَارِهِمْ }
الآية بتتكلم عن واقع مهما حصل هيفضل في نساء مش ملتزمات بالحجاب الشرعي
التحرش ده أذى أنتَ لما تتحرش بواحدة هتستناك على القنطرة يوم القيامة علشان تاخد حقها منك
هي معنى إنها متبرجة أو غير متبرجة أو امرأة عادية إنه سقطت حرمتها عند اللّٰه !!!
قال النبي صلى اللّٰه عليه وسلم "من لكعب بن الأشرف؟ فإنه قد آذى الله ورسوله" هو كعب بن الأشرف كان بيعمل إيه غير حربه للنبي عليه الصلاة والسلام كان أيضا بيتعرض للمسلمات
أنت آذيت النبي رايح تشرب من إيده يوم القيامة أنت آذيت الله رايح تقف بين إيدين ربنا !!!
قال رسول اللّٰه صلى اللّٰه عليه وسلم "كتب على ابن آدم حظه من الزنا، وهو مدرك ذلك لا محالة. فالعين تزني وزناها النظر واليد تزني وزناها اللمس"
اوعى تعتقد إن زنا العين أو اليد أو القدم لن تسأل عنهم لكل منهم عقاب على زناك
والتحرش بيكون كمان في وسائل سوشيال ميديا لما تبعت لها أو ترسلي له صورة محرمة لإثارته أو ترسلها لإثارتها
المرآة مطالب منها الحجاب الشرعي المرآة مطالب منها تساعد الرجل على غض بصره
ولكن أنت مكلف أمام اللّٰه { قُل لِّلْمُؤْمِنِينَ يَغُضُّوا مِنْ أَبْصَارِهِمْ }
متعملش حاجة وأنتَ متهئ لك إنها حاجة صغيرة وهي عند ربنا كبيرة
وأنت بتبص للحرام ممنعش الدم عن عينك
قال تعالى ( وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِن فَضْلِهِ) حتى قال بعض المفسرين في (حتى) معناها من أجل
أنت عايز ربنا يغنيك من فضله استعفف اتقي اللّٰه
اللهم اكفنا حلالك عن حرامك
ادعي بالدعاء دا كتير الدعاء
دا كنز نفسك تحصن نفسك بالحلال نفسك تعفي نفسك وتتزوجي نفسكم في مال بالحلال أكثروا من هذا الدعاء
اللهم اكفنا حلالك عن حرامك
رابط الجروب
رابط الصفحة
رابط تويتر
تعليقات
إرسال تعليق