اغتنم العشر الاواخر من رمضان
العشرين ليلة اللي فاتوا حاجة والعشر الأواخر حاجة تانية
-الرسول صلى الله عليه وسلم بيقول :
(من صام رمضان إيمانًا و احتسابًا غفر له ماتقدم من ذنبه )
👈و هكذا من قام رمضان إيمانًا و احتسابًا غفر له ما تقدم من ذنبه .
و قال صلى الله عليه وسلم عن ليلة القدر :
( مَن قام ليلةَ القدر إيمانًا واحتسابًا، غُفر له ما تقدَّم من ذنبه ) متفق عليه
يعني ليلة القدر ليلة برمضان كله 👌
🕜لازم نشد حيلنا لأن احنا بدأنا في أخطر لحظات في رمضان كله
لازم يكون عندنا علو همة فى العشرة الأواخر بإذن الله
الغنيمة العظمى فى رمضان هي ليلة القدر♥️
متضيعش لحظة في العشر ليالي 👎
العشر ليالي دول معسكر مغلق ...استقتال
👈بعض الصحابة والسلف ورد عنهم أنهم كانوا يختمون القرآن
كل ثلاث ليالي في رمضان
و في العشر الأواخر يختموا كل يوم مرة...
يعني كانوا بيضاعفوا مجهودهم ثلاث مرات
أنت كمان ضاعف مجهودك أضعاف 👍
من المغرب لجلسة الضحى #عبادة
✔️ القرآن والذكر والدعاء...
🕌ألوف دخلوا المعتكفات في كل مكان و ألوف
هيزودوا عبادتهم في العشر و هيتسابقوا لربنا سبحانه وتعالى
احنا كمان مش عايزين حاجة تعطلنا عن ربنا سبحانه وتعالى
⚠️العشر أغلى من إنها تضيع في لبس العيد.. وكعك العيد .. ومسح الشقة
-عايزين الليلة نبدأ من أولها و نضرب ضربة بدء قوية
-عايزين من أول ليلة ننطلق إلى الله و صحيفتنا تمتلئ بالحسنات بإذن الله
🚫هاتوا آخركم
العشر أيام دول ثروة في عمرنا
اوعى تقول ليالي وترية وزوجية ❌
عيش كل ليلة من العشرة الأواخر كأنها ليلة القدر
عيش كل ليلة من العشر بشعار ممكن تبقى الليلة
👈 يلا نقوم ..يلا نبدأ
دول عشرة أيام و بس
عايزين نتعب ونيجي على نفسنا فيهم
اعتبر كل ليلة من العشر الأواخر كأنها ليلة إمتحان
تعليقات
إرسال تعليق