القائمة الرئيسية

الصفحات

[LastPost]

رجب شهر البذر .. وشعبان شهر السقي .. ورمضان شهر الحصاد

 رجب شهر البذر .. وشعبان شهر السقي .. ورمضان شهر الحصاد



كلمة تفضل معاك طول حياتك وترسخها جوا قلبك
وهي كلمة قالها بعض السلف: رجب شهر البذر .. وشعبان شهر السقي .. ورمضان شهر الحصاد
رجب بترمي فيه البذور .. بذور المقامات الإيمانية في قلبك
بترمي بذور المجاهدة في العبادة في حياتك.
وشعبان شهر السقي
لما تستمر في شعبان على العبادات دي أنت بترويها فبتكبرها لحد أما تزدهر وتكبر جواك
ورمضان
رمضان شهر الحصاااااد


يعني إنت في رمضان عامل زي اللي نازل يقطف الفاكهة من على الشجر
يعني رمضان مش شهر التعب ولا المجاهدة!
رمضان شهر إنك تعبت في عبادة ربنا في رجب وشعبان
تعبت في ختمة قرآن، تعبت في الصيام في رجب وشعبان..
وجاي تحصد في رمضان،
وجاي بكل سهولة تعبد ربنا ليل نهار في رمضان، والسر في كده هو لأنك اتعودت
اللي هيعمل الكلام دا يا جماعة هو دا اللي هيتغير
زي بالضبط ما سيدنا أنس قال: {إني أَجِدُ رِيحَ الجَنَّة دُون أحُد}
وأنا بقولك إني لأجد ريح الفردوس الأعلى دون رجب وشعبان
ربنا سبحانه وتعالى قال: { وَلَوْ أَرَادُوا الْخُرُوجَ لَأَعَدُّوا لَهُ عُدَّةً}
دا اختبار في الصدق
الصادق فينا اللي عاوز يستعد لرمضان هو اللي هيعد العُدة.
قضية الاستعداد قضية صدق

reaction:

تعليقات