يعني إيه قل حسبي الله
عيش مع أسماء الله الحسنى اللي هترجع السعادة تاني لقلوبنا 💝
عايزين معرفة الله تعالى اللي تغير نفسيتك وحياتك بجد.. أخلاقك وتعاملاتك مع الخالق والمخلوق🤝
🌱 مع اسم هتحتاجه في أصعب لحظات حياتك...هيحسسك إنك قوي ومسنود وليك ظهر وحسب ونسب✊...حتى لو كنت فقير وضعيف.
🔹اسم الله (الحسيب)
💭 يعني إيه (قل حسبي الله)؟
👈 يعني كفاية عليا ربنا أوي.
👈يعني أنت مش لوحدك وعمره ما سابك ولا هيسيبك حتى وأنت جنين في بطن أمك.
☑️ حسيب هي صيغة مبالغة و (ال) تفيد القصر... 👈يعني مفيش حسيب ومش هيكفيك غيره.
🚫 اوعى تتوكل على قريبك اللي ليه مركز...كل ده هيسيبك.. محدش هيكمل معاك غير الله الحسيب.
✍من أصعب لحظات حياتك اللي هتحتاج فيها اسم (الحسيب) :
١- الخذلان 💔... لما الكل يسيبك ومحدش يقف معاك..
💭 أصحاب الرسول قيل لهم:
{ الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ }
🖇 الفرق بين اسم الله (الحسيب) لما ما يكونش معاك حد ..
و (الوكيل) لما يبقي عدوك عاوز يطعنك
🔖 وهنا كان الصحابة أمام مشكلتين :
👈الخذلان من المنافقين، والخذلان من جيش الكفار اللي جه عليهم
فقالوا: {وقَالُوا حَسْبُنَا اللَّهُ وَنِعْمَ الْوَكِيلُ}✊
💭 النبي صلى الله عليه وسلم يقول..
( لا يزال من أمتي أمة قائمة بأمر الله لا يضرهم من خذلهم ولا من خالفهم)
صحيح البخاري.
☑️ جه هنا الخذلان قبل المخالفة لأنه أصعب إحساس في الدنيا💔
٢- إحساس القفول..لما خلاص الشهرة تروح... المنصب والفلوس والناس..محدش معاك غير ربنا.
٣- لحظة الوحدة...اللي اكتشفوا في بريطانيا إنها أهم سبب للإنتحار والاكتئاب وعندهم ليها وزارة (وزارة الوحدة)
٤- إحساس الإهمال...أنا ليه محدش بيكلمني..انا مليش قيمة!.. وده إحساس قاتل💔
لكنك ليك قيمة عند الله الحسيب💎
💭 شوف قول النبي (رُبَّ أشعث أغبر مدفوع بالأبواب لو أقسم على الله لأبره)
رواه مسلم.
٥- وقت المرض...لما محدش ساعتها يملك لك حاجة والأطباء يقولوا الأمل في ربنا (قل حسبي الله ✊)
٦- إحساس أعمل إيه وأروح لمين..واحدة اتطلقت أو والدها ووالدتها ماتوا ومبقاش لها ظهر ولا سند...💔
٧- لما تتنسى في الدنيا بعد ٥٠ سنة من موتك خلاص..
💭 ربنا بيقول {قُلْ يَا عِبَادِيَ} ...نسب العبودية أشرف نسب (قل حسبي الله).
رابط القناه على اليوتيوب
الموقع
رابط الجروب
رابط الصفحة
رابط تويتر
تعليقات
إرسال تعليق